Ráðningarsamningar geta annað hvort verið tímabundnir, t.d. frá 1. júní til 1. september eða ótímabundir þ.e.a.s. án lokadags ráðningar.
Sé ekki tekið fram í ráðningarsamningi að hann sé tímabundinn er litið svo á að samningurinn sé ótímabundinn.
Sé ráðningarsamningur tímabundinn þarf ekki að segja honum upp heldur lýkur ráðningu á þeim degi sem tekið er fram í samningum og starfsmaður lætur af störfum. Ótímabundnum ráðningarsamningi þarf að segja upp með þeim uppsagnarfresti sem kveðið er á um í kjarasamningi.